لوزان میں اسلامی جمہوریہ ایران اور امریکی وزیر خارجہ کے مذاکرات جاری ہیں ۔
ایک رپورٹ کے مطابق جمعے کی
شام کو ایران کے وزیر خارجہ محمد جواد ظریف اور امریکی وزیر خارجہ جان کیری
نے مذاکرات کئے- دونوں ملکوں کے وزرا خارجہ کے مذاکرات کا یہ چوتھا دور
تھا- ان مذاکرات میں اختلافی مسائل کا حل تلاش کرنے کی کوشش کی گئی- محمد
جواد ظریف نے چوتھے دور کے مذاکرات کے بعد کہا کہ ہمارے مد مقابل کو دباؤ
ڈالنے یا سیاسی عزم کے درمیان ایک کا انتخاب کرنا ہوگا- انہوں نے کہا کہ مد
مقابل نے مذاکرات کے ساتھ ساتھ پروپگینڈا کرنے کی پالیسی پر ہمیشہ عمل کیا
ہے لیکن ہم ان باتوں پر توجہ نہیں دیتے ہیں- محمد جواد ظریف اور جان کیری
کے مذاکرات کے بعد ایران اور چین کے نائب وزرا خارجہ نے بھی گفتگو کی- سید
عباس عراقچی اور مجید تخت روانچی نے یانگ یئی سے اختلافی مسائل اور ان کے
راہ ہائے حل کے بارے میں تبادلہ خیال کیا- سید عباس عراقچی نے کہا ہے کہ
ممنکہ طور پر اتوار کو ایران اور پانچ جمع ایک گروپ کے وزرا خارجہ کا اجلاس
ہوگا- سوئیزر لینڈ کے شہر لوزان میں ایران اور پانچ جمع ایک گروپ کے
درمیان گذشتہ بدھ سے مذاکرات ہورہے ہیں- یہ مذاکرات ایران اور امریکہ کے
نائب وزرا خارجہ، یورپی یونین میں خارجہ پالیسی شعبے کی نائب سربراہ ہیلگا
اشمید کی سربراہی میں شروع ہوئے ہیں- ایٹمی معاہدے تک پہچننے کے لئے ایران
اور پانچ جمع ایک گروپ کے پاس اکتیس مارچ دوہزار پندرہ تک کا وقت ہے ۔
0 comments:
Post a Comment