ایران کے ایٹمی توانائی کے ادارے کے سربراہ نے اپنے دورہ چین میں اس ملک کی متعدد ایٹمی تنصیبات اور اہم مراکز کا معائنہ کیا ہے
ایرانی ایٹمی توانائی کے ادارے کے سربراہ علی اکبر صالحی اور ان کے ہمراہ وفد نے جمعرات کو چین کے تین ایٹمی مراکز اور انسٹی ٹیوٹس کا معائنہ کیا کہ جس میں نیوکلئر ڈیولپمنٹ سنٹر بھی شامل ہے- اس سنٹر کا شمار چین میں ایٹمی انرجی کے ایک جدید ترین مرکز میں ہوتا ہے۔ ایران کے جوہری توانائی کے ادارے کے سربراہ نے چین کے جوہری توانائی کے ادارے سی آئی اے ای CIAE اور بیجنگ میں بھاری پانی کے تحقیقاتی ری ایکٹر کا بھی معائنہ کیا- علی اکبر صالحی نے چین کے وزیر خارجہ وانک یی کے ساتھ ملاقات بھی کی اور اہم ترین دوطرفہ، علاقائی اور عالمی مسائل کے بارے میں تبادلہ خیال کیا - ایران کے ایٹمی توانائی کے قومی ادارے کے سربراہ اور نائب صدر علی اکبر صالحی نے چین کی ایٹمی تنصیبات کے قومی ادارے کے سربراہ سے ملاقات کی اور باہمی تجربات کے تبادلوں نیز دوطرفہ تعاون کےبارے میں بات چیت کی- علی اکبر صالحی نے چین اور اسلامی جمہوریہ ایران کے درمیان باہمی تعاون کے فروغ میں بھی دلچسپی کا اظہار کیا- اس ملاقات میں چینی فریق نے بھی ایران کے جوہری توانائی کے ادارے کے ساتھ تعاون بڑھانے کا خیر مقدم کیا- ایران کے جوہری توانائی کے ادارے کے سربراہ علی اکبر صالحی بدھ کے روز ایک اعلی رتبہ وفد کے ہمراہ چین کے دورے پر گئے تھے-
0 comments:
Post a Comment