السیسی مغربی حمایت کے لیے سرگرم
مصری صدر عبدالفتاح السیسی مغربی حمایت حاصل کرنے کے لیے منگل کو جرمنی پہنچ رہے ہیں۔ موجودہ حکومت کی طرف سے انسانی حقوق کی شدید خلاف ورزیوں کے باوجود سابق جنرل کا ریڈ کارپٹ استقبال کیا جائے گا۔
مصر کے سابق آرمی چیف کی طرف سے مغرب کا یہ پہلا دورہ ہے، جس کی عبدالفتاح السیسی ایک عرصے سے خواہش رکھتے تھے۔ اس دوران مصری صدر نہ صرف جرمن چانسلر انگیلا میرکل بلکہ صدر یوآخم گاؤک سے بھی ملاقات کریں گے۔ السیسی جمعرات کے روز ہونے والی بزنس کانفرنس کے دوران کارپوریٹ لیڈروں سے بھی ملاقات کریں گے۔ السیسی کی دفتر سے جاری ہونے والے بیان کے مطابق اس دورے کا مقصد دو طرفہ اقتصادی، فوجی اور سلامتی کے شعبوں میں تعاون کو بڑھانا ہے۔ ابھی تک السیسی کے دور حکومت میں جرمن کمپنی سیمنز نے قاہرہ حکومت کے ساتھ صرف ایک معاہدہ کیا اور دس ارب یورو مالیت کے اس معاہدے کے تحت ایک بجلی گھر تعمیر کیا جائے گا۔
0 comments:
Post a Comment