ایران کی سرکاری خبر رساں اداروں کی جانب سے جاری اطلاعات میں بتایا گیا ہے کہ حالیہ دنوں کے دوران شام میں صدر بشار الاسد کی حمایت میں لڑتے ہوئے پاسداران انقلاب کے تین اہم اہلکار اور پانچ افغان جنگجو ہلاک ہوگئے ہیں۔
العربیہ ڈاٹ نیٹ کےمطابق ایرانی میڈیا میں مقتولین کی شناخت ظاہر کی گئی ہے اور بتایا گیا ہے کہ محمد حمید المعروف ابوزینب، حسن غفاری اور علی امرائی [اصل نام حسین ذاکری] پاسداران انقلاب کے اہم عہدیدار تھے۔ یہ تینوں دمشق اور درعا کے درمیان سڑک کے کنارے نصب بم پھٹنے سے مارے گئے۔ اس کے علاوہ شام کے محاذ جنگ پر "فاطمیون" بریگیڈ کے پرچم تلے لڑنے والے پانچ افغان جنگجوئوں کے مارے جانے کی بھی تصدیق ہوئی ہے۔
خبر رساں ایجنسی "مشرق نیوز" کے مطابق شام میں مارے جانے والے پاسداران انقلاب کے تینوں اہلکار جنوبی شام میں اہل بیت کے مزارات کی حفاظت پر مامور تھے۔ واضح رہے کہ جنوبی شام میں اہل بیت کا کوئی بھی مزار موجود نہیں ہے۔
خبر رساں ایجنسی کے مطابق مقتولین میں محمد حمیدی اور حسن غفاری پچھلے سال الدخانیہ کے علاقے میں شام فوج کے ہمراہ ایک بڑے آپریشن میں بھی شریک رہ چکے ہیں۔ تمام مقتولین کی میتیں ایران منتقل کردی گئی ہیں جہاں آج انہیں پوری فوجی اور سرکاری اعزازو اکرام کے ساتھ تہران میں سپرد خاک کیا جائے گا۔
0 comments:
Post a Comment