مصر میں صحافیوں کی یونین کا احتجاج
مصرکے صحافیوں کی یونین نے کہا ہے کہ پریس سے منسلک افراد کے خلاف اپنائی جانے والی پالیسیوں کو قبول نہیں کیا جاسکتا ہے۔ مصر کی اخباری یونین نے اس موضوع
سے متعلق جاری کردہ اپنے بیان میں کہا ہے کہ مصر میں فوجی انقلاب کی سالگرہ کے موقع پر ہونے والے مظاہروں کی کوریج
کرنے پر اخباری نامہ نگاروں کا تعاقب کر نا اور جاسوسی کرنا انسانی حقوق کی کھلم
کھلا خلاف ورزی ہے۔ بیان
میں کہا گیا ہے کہ خاص طور پر فوٹوگرافروں کا تعاقب کرتے ہوئے ان پر شدید دباو
ڈالنے کی کوشش کی جا رہی ہے۔ یونین کے مطابق کئی ایک صحافیوں کو حراست میں
بھی لیا جاچکا ہے اور کئی ایک فوٹو گرافروں کو مار پیٹ کا بھی سامنا کرنا پڑا ہے۔ بیان میں کہا گیا ہے کہ پریس
اپنے مقدس فرائض کا ادا کرنے میں مصروف ہے اور اس کی راہ میں رکاوٹیں کھڑی کیا
جانا انسانی حقوق کی خلاف ورزی ہے۔
0 comments:
Post a Comment