قاہرہ میں غیرملکی سفارت خانوں کے اطراف میں سخت سیکورٹی انتظامات
مصر میں غیر ملکی سفارت خانوں کے اطراف میں سیکورٹی مزید سخت کر دی گئی-
الیوم السابع ویب سائٹ کی رپورٹ کے مطابق مصر کے سیکورٹی اہلکاروں نے ہفتے کے روز قاہرہ میں اطالوی قونصل خانے کے سامنے ہونے والے دھماکے کے بعد بیرونی ممالک کے سفارت خانوں کے اطراف میں سیکورٹی مزید سخت کردی ہے-
مصر کے سیکورٹی اہلکار بم کا پتہ لگانے والے آلات کے ذریعے، بیرونی ممالک کے سفارت خانوں کے آس پاس تعینات ہو گئے ہیں اور انھوں نے ان سفارت خانوں کے اطراف میں مزید چیک پوسٹیں بھی قائم کردی ہیں-
ادھر مصر کی وزارت خارجہ کے ترجمان نے کہا ہے کہ مصر بیرونی سفارتی عملے کی حفاظت کرنے کی توانائی رکھتا ہے اور وہ اس اہم کام کو بخوبی انجام دے گا-
واضح رہے کہ ہفتے کی صبح قاہرہ میں اطالوی قونصل خانے کے قریب ایک کار بم دھماکہ ہوا تھا جس میں ایک شخص ہلاک اور چار افراد زخمی ہو گئے تھے۔
0 comments:
Post a Comment