شام کے سرحدی قصبے حضر
کے نزدیک اسرائیل کے بغیر پائیلٹ جاسوس طیارے کے میزائل حملے میں لبنان کی شیعہ
ملیشیا حزب اللہ کے دو جنگجو ہلاک ہوگئے ہیں۔
برطانیہ میں قائم شامی آبزرویٹری برائے انسانی حقوق کے ڈائریکٹر رامی
عبدالرحمان نے اپنے نیٹ ورک کے حوالے سے صحافیوں کو بتایا ہے کہ اسرائیلی طیارے نے
قصبے حضر میں ایک کار کو میزائل حملے میں نشانہ بنایا ہے۔اس میں سوار حزب اللہ کے
دو ارکان ہلاک اور تین افراد زخمی ہوگئے ہیں۔ان تین افراد کا شامی حکومت کی حامی
ایک عوامی ملیشیا سے تعلق رکھتا ہے۔
حضر میں دروز آباد ہیں اور یہ اسرائیل کے زیر قبضہ گولان کی چوٹیوں
اور صوبہ دمشق کے درمیان حد متارکہ جنگ (سیز فائر لائن) پر واقع ہے۔مقبوضہ بیت
المقدس میں اسرائیلی فوج کی ایک خاتون ترجمان نے اس میزائل حملے کے بارے میں کوئی
تبصرہ کرنے سے گریز کیا ہے
0 comments:
Post a Comment