فلسطین
کے مقبوضہ مغربی کنارے کے وسطی شہر رام اللہ کے قریب جمعرات کو علی الصباح یہودی شرپسندوں
نے ایک فلسطینی شہری کو وحشیانہ تشدد کا نشانہ بناتے ہوئے جان سے مار ڈالا۔
46 سالہ ریاض ابراہیم دار یوسف
کھیتوں میں زیتون کے پھل توڑنے کے بعد مغربی رام اللہ کے الجانیہ قصبے میں اپنے گھر
کو لوٹ رہا تھا کہ اس دوران "ڈولیف " اور "تلمون" یہودی کالونیوں
کے یہودی شرپسندوں نے اسے گھیرے میں لے کر پکڑ لیا۔
یہودی
شرپسند فلسطینی شہری کو گھیسٹ کر ایک ویران جگہ لے گئے جہاں اسے ہولناک تشدد کرکے شہید
کردیا گیا۔ بعد ازاں اس کی میت ایک کھلے میدان میں پھینک دی گئی۔ عینی شاہدین کا کہنا
ہے کہ جس جگہ سے فلسطینی شہری ابراہیم دار یوسف کو یرغمال بنایا گیا وہاں سے چند گز
کے فاصلے پر اسرائیلی فوج کی ایک چوکی ہے۔ قابض فوج نے شرپسند یہودیوں کو فلسطینی کویرغمال
بنانے اور اسے قتل کرنے سے نہیں روکا۔
0 comments:
Post a Comment