امریکی وزیر خارجہ نے اعتراف کیا ہے کہ ایران نے ایٹمی معاہدے کی پابندی کی ہے ۔
جان کیری نے بدھ کے روز کارنیگی انسٹی ٹیوٹ میں مشرق وسطی میں امریکی حکومت کی پالیسیوں کے بارے میں وضاحت دیتے ہوئے کہا کہ کسی نے ابھی تک یہ نہیں سنا ہے کہ ایران نے مشترکہ جامع ایکشن پلان کے خلاف کوئی قدم اٹھایا ہو- امریکی وزیر خارجہ نے ان تمام افراد سے، جو اب تک ایران کے ساتھ سمجھوتے کے حامی یا مخالف رہے ہیں، یہ مطالبہ کیا ہے کہ وہ اپنی پوری توجہ مشترکہ جامع ایکشن پلان پر عملدرآمد پر مرکوز کریں- جان کیری نے ایک بار پھر کہا ہے کہ یہ سمجھوتہ، امریکہ اور مشرق وسطی میں اس کے اتحادی ممالک کو مزید تحفظ فراہم کرے گا- جان کیری نے مشرق وسطی سے متعلق امریکی پالیسیوں کو بیان کرتے ہوئے کہا کہ ایران کا ایٹمی پروگرام اور مشترکہ جامع ایکشن پلان فلسطین کی صورتحال اور مقبوضہ علاقوں میں تشدد نیز شام کا مسئلہ، واشنگٹن کا اہم محور ہے- جان کیری کا کہنا تھا کہ مشرق وسطی میں امریکہ کی اسٹریٹیجی یہ ہے کہ ان تمام میدانوں میں تبدیلی لائی جائے ۔
0 comments:
Post a Comment