ایران کے وزیر خارجہ نے کہا ہے کہ دہشت گردی کا بنیادی اور اساسی مقابلہ کرنے کی ضرورت ہے ۔
ایران کے وزیر خارجہ جواد ظریف نے سلامتی کونسل کے ہنگامی اجلاس میں کہا ہے کہ آج کےعالمگیریت کے دور میں خطرات سرحدوں تک محدود نہیں رہتے اور اس وقت انتہا پسندی اور تشدد بھی تیزی سے پھیل رہا ہے اور قریب اور دور کے تمام علاقے اسکی زد میں ہیں ۔ انہوں نے مذید کہا ہے کہ تشویش کی بات یہ ہے کہ اس وقت بھی عراق اور شام کی طرف دہشتگردوں کے جانے کا سلسلہ اپنے عروج پر ہے جس سے یہ بات واضح ہوتی ہے کہ دہشتگردی پر قابو پانے کی عالمی کوششیں ناکافی ہیں ۔
یاد رہے اقوام متحدہ کی سلامتی کونسل کا ہنگامی اجلاس روس کی طرف سے دہشتگردی کے خلاف پیش کی جانے والی قراد داد کے مسودے کا جائزہ لینے کے لئے بلایاگیا ہے ۔
0 comments:
Post a Comment