ترکی نے شامی سرحد کے قریب ایک نامعلوم ڈرون طیارے کو مار گرایا

ترک فوج نے شامی سرحد کے قریب ایک نامعلوم ڈرون طیارہ مار گرایا ہے۔ ترک فوجی ذرائع کے مطابق بغیر پائلٹ کے اس طیارے کو کیلس نامی علاقے میں نشانہ بنایا گیا ہے۔

بتایا گیا ہے کہ جیسے ہی یہ طیارہ ترک فضائی حدود میں داخل ہوا تو اسے تین مرتبہ خبردار کیا گیا۔ تاہم وارننگ کی پروا نہ کرنے کے بعد اس کو گرایا گیا۔

 ترکی اس سے قبل بھی شام کی چار سالہ خانہ جنگی کے دوران اپنی فضائی حدود کی خلاف ورزی پر شام کے طیاروں اور ہیلی کاپٹروں کو نشانہ بنا چکا ہے۔ حال ہی میں ترکی نے دو مرتبہ یہ شکایت کی تھی کہ روس کے لڑاکا طیاروں نے اس کی حدود کی خلاف ورزی کی ہے۔

10/17/2015 02:14:00 PM