عدن سے 50 کلومیٹر دور واقع علاقے میں جھڑپوں میں متعدد
حوثی باغی ہلاک
یمن کے جنوبی شہر عدن
کے نزدیک تزویراتی لحاظ سے اہمیت کے حامل العند ائیربیس پر صدر عبد ربہ منصور ہادی
کی حامی مزاحمتی فورسز اور حوثی شیعہ باغیوں کے درمیان شدید لڑائی کی اطلاعات ملی
ہیں۔عدن سے قریباً پچاس کلومیٹر دور لحج کی جانب جانے والی شاہراہ پر متحارب جنگجو
گروپوں کے درمیان لڑائی ہورہی ہے۔العند ائیربیس اسی شاہراہ پر واقع ہے۔لڑائی میں
حوثی باغیوں اور سابق صدر علی عبداللہ صالح کی وفادار فورسز کے متعدد جنگجو ہلاک
اور زخمی ہوگئے ہیں۔
یمنی فوج کی حمایت
یافتہ مزاحمتی قوتوں نے العند ائیر بیس کا چاروں طرف سے محاصرہ کررکھا ہے اور وہ
وہاں سے حوثی جنگجوؤں کو نکال باہر کرنے کے لیے کوشاں ہیں۔انھیں سعودی عرب کی
قیادت میں اتحادی ممالک کی فضائی مدد بھی حاصل ہے۔عینی شاہدین کے مطابق علاقے سے
زور دار دھماکوں کی آوازیں سنی گئی ہیں۔
0 comments:
Post a Comment