اخوان سے مفاہمت کے لئے قطری ثالثی کی پیشکش مسترد
مصر کی حکومت نے کالعدم مذہبی سیاسی جماعت اخوان المسلمون کے ساتھ مفاہمت کے لیے خلیجی ریاست قطر کی ثالثی کی پیش کش کو یکسر مسترد کرتے ہوئے ثالثی بارے قطری وزیر خارجہ کے بیان کو قاہرہ کے اندورنی معاملات میں مداخلت قرار دیا ہے۔
العربیہ ڈاٹ نیٹ کے مطابق مصری وزارت خارجہ کے ترجمان احمد ابو زید نے پریس کو جاری ایک بیان میں قطری وزیر خارجہ ڈاکٹر خالد العطیہ کے اخوان المسلمون سے مفاہمت کے بارے میں بیان پر اپنا ردعمل ظاہر کیا ہے۔ ترجمان کا کہنا ہے کہ اخبارات میں شائع ہونے والے قطری وزیر خارجہ کا اخوان کے ساتھ مفاہمت سے متعلق بیان قاہرہ کے اندرونی معاملات میں کھلی اور ناپسندیدہ مدخلت ہے۔ قاہرہ کو اخوان المسلمون کے ساتھ مفاہمت کے لیے کسی سے تعاون کی ضرورت نہیں۔ اخوان کے بارے میں مصری حکومت نے جو پالیسی اختیار کی ہے وہ ملک و قوم کے مفاد میں ہے۔ اخوان کا معاملہ مصر کی داخلی پالیسی سے تعلق رکھتا ہے اور کسی بھی بیرونی قوت کو اس میں مداخلت کی اجازت نہیں دی جا سکتی ہے۔
0 comments:
Post a Comment