اسرائیلی فوج کے ہاتھوں قبلہ اول کی بے حرمتی اور مسجد اقصیٰ
میں موجود نمازیوں پر وحشیانہ تشدد کے بعد اسرائیلی وزیراعظم بنیامن نیتن یاھو نے بھی مسجد
اقصیٰ سے متصل مقدس مقام پر اشتعال انگیز دھاوا بولا ہے جس پر فلسطینی شہریوں میں سخت
غم وغصے کی فضاء پائی جا رہی ہے۔
اسرائیلی وزیراعظم نے بدھ کے روز سخت سیکیورٹی میں مسجد
اقصیٰ سے متصل صور باھر کے مقام پر ایک کنیسے میں حاضری دی۔ سیکیورٹی کی آڑ میں بیت
المقدس میں اسرائیلی فوج کی بڑی تعداد تعینات کی گئی تھی جس کے نتیجے میں شہر میں نظام
زندگی مفلوج ہو کر رہ گیا تھا۔
اسرائیلی وزیراعظم کی جانب سے یہ اشتعال انگیز کارروائی
ایک ایسے وقت میں کی گئی ہے جب پچھلے چار روز سے قابض صہیونی افواج مقدس مقام کی کھلے
عام بے حرمتی کے ساتھ ساتھ وہاں پرآنے والے نمازیوں کو وحشیانہ تشدد کا نشانہ بنا
رہی ہیں۔
0 comments:
Post a Comment