کویت سمیت خلیجی ممالک نے غیر ملکی ورکروں پر نئی پابندی لگانے کا
فیصلہ کر لیا
خلیجی ممالک کے لیبر وزراءاس بات پر متفق
ہوگئے ہیں کہ آئندہ سے غیر ملکیوں کو اپنے ممالک میں کام دینے سے قبل انہیں مہارت
کے ٹیسٹ اور سرٹیفکیشن کے عمل سے گزرنا ہو گا۔اس فیصلے سے پاکستان سمیت متعدد
ممالک کے محنت کش شدید متاثرہوں گے۔ متحدہ عرب عمارات اور کویت نے نیا سسٹم پہلے
ہی تجرباتی طور پر اپنا لیا ہے جبکہ 2015ءکے آخر تک تمام خلیجی ممالک میں یہ لاگو
ہوجائے گا۔کویت میں ہونے والی میٹنگ میں ان وزراءنے اس بات پر بھی اتفاق کیا ہے کہ
ایک ویب سائیٹ بنائی جائے گی جہاں تین ممالک بشمول پاکستان، بھارت اور فلپائن کے
ورکرز کو نوکری دینے سے قبل ان کی مہارت کا ٹیسٹ لیا جائے گا جس میں انہیں اس بات
کا ثبوت دینا ہوگا کہ وہ اس نوکری کے لئے موزوں بھی ہیں یا نہیں۔اس طرح کے سسٹم کے
لاگو ہونے کے بعد پاکستان سمیت متعدد ممالک کے ورکرز پر خلیجی ممالک کے دروازے بند
ہونے کا بھی خدشہ ظاہر کیا جارہا ہے لیکن خلیجی ممالک کی حکومتیں بضد ہیں کہ اس
طرح ان کے ممالک میں سیکورٹی حالات بھی بہتر ہو سکیں گے اور جعلی ورکروں کے لئے
آنا بھی مشکل ہو جائے گا۔
0 comments:
Post a Comment