مصر میں
مظاہرین اور پولیس کے درمیان جھڑپ
مصر کے سیکورٹی ذرائع نے
اخوان المسلمین کے حامیوں کو منتشر کرنے کے لئے آنسوگیس کے گولے فائر کئے اور متعدد
مظاہرین کو گرفتار کر لیا۔الوفد ویب سائٹ نے رپورٹ دی ہے کہ مصر کی سابق حکمراں
جماعت اخوان المسلمین نے جمعے کے روز دارالحکومت قاہرہ کی سڑکوں پر پھر احتجاجی
مظاہرہ کیا جو پولیس کے تشدد کا شکار ہوگیا۔ بتایا جاتا ہے کہ پولیس نے قاہرہ
کے عین الشمس علاقے میں مظاہرین پر دھاوا بول دیا اور انھیں منتشر کرنے کے لئے
آنسو گیس کے گولے فائر کئے۔ مظاہرین نے پولیس تشدد کے جواب میں ان پر پتھراؤ
کیا۔ مصری ذرائع ابلاغ کے مطابق جمعے کے دن صوبہ الشرقیہ میں بھی اخوان
المسلمین کے سیکڑوں حامیوں نے مظاہرہ کیا۔ پولیس نے مظاہرین کو منتشر کرنے
کی کوشش کرتے ہوئے چار افراد کو گرفتار کر لیا۔
0 comments:
Post a Comment