ایران کے دارالحکومت تہران کے خطیب جمعہ آیت اللہ محمد
کاظم صدیقی نے یمن پر سعودی عرب کے حملے کو غیرقانونی قرار دیتے ہوئے اس
کی شدید مذمت کی ہے ۔
خطیب جمعہ تہران نے یمن پر سعودی عرب کے جنگی طیاروں کی جارحیت کے بارے
میں کہا ہے کہ یمن پر حملہ امریکہ و صیہونی حکومت کی ایک سازش ہے جسے علاقے
کے بعض ملکوں کی حکومتوں نے عملی جامہ پہنایا ہے- انھوں نے کہا کہ امریکہ و
صیہونی حکومت کی سازش کو عملی جامہ پہنانے والی، علاقے کی یہ حکومتیں، آلہ
کار ہیں کہ جن کو اپنے ملکوں کے عوام میں کوئی حیثیت حاصل نہیں ہے ۔
مزید انہوں نے کہا ہے کہ سنہ دو ہزار
گیارہ میں شروع ہونے والے یمنی عوام کے انقلاب کی طرف اشارہ کرتے ہوئے کہا
کہ یمنی عوام کے انقلاب کا مقصد، اپنی تقدیر کا فیصلہ خود کرنا ہے جنھوں نے
اس بات کو بھی ثابت کردیا کہ وہ بصیرت اور ضروری تجربے کے حامل رہے ہیں
اور اپنے ملک کا نظم و نسق، خود چلا سکتے ہیں- حجۃالاسلام و المسلمین محمد
کاظم صدیقی نے اس بات پر تاکید کرتے ہوئے کہ یمن پر حملے سے، عالمی رائے
عامہ خاص طور سے مسلمانوں کے احساسات و جذبات مجروح ہوئے ہیں، کہا کہ یہ
حملہ غیر قانونی، غیر انسانی، ایک ملک پر کھلی جارحیت اور یمن کے اندرونی
امور میں اعلانیہ مداخلت شمار ہوتا ہے ۔
0 comments:
Post a Comment