ڈاکٹر مرسی اور اخوان کے قائدین پر فوجی
عدالت میں نیا مقدمہ
مصر کی ایک فوجی عدالت میں آیندہ ہفتے سے برطرف
صدر محمد مرسی سمیت اخوان المسلمون کے کم سے کم دوسو قائدین اور کارکنان کے خلاف
سنہ 2013ء میں پرتشدد مظاہروں کے الزام میں ایک نیا مقدمہ چلایا جائے گا۔
مصر کے سرکاری خبررساں ادارے مڈل ایسٹ نیوز ایجنسی
(مینا) کی اطلاع کے مطابق اخوان المسلمون کے مرشدِ عام محمد بدیع سمیت ایک سو
اٹھانوے افراد کے خلاف 23 فروری سے اس مقدمے کی سماعت کا آغاز ہوگا۔
ڈاکٹر مرسی کے خلاف اس سے پہلے سول عدالتوں میں
چار مقدمات چلائے جارہے ہیں لیکن کسی فوجی جج کی عدالت میں ان کے خلاف یہ پہلا
مقدمہ ہوگا۔ان پر جولائی 2013ء میں فوج کے سربراہ (اب صدر) عبدالفتاح السیسی کے
ہاتھوں برطرفی کے بعد 14 اگست کو سویز شہر میں لوگوں کو تشدد پر اُکسانے اور
پُرتشدد مظاہروں کی شہ دینے کا الزام ہے۔
0 comments:
Post a Comment