مبارک دور کے ٹائیکون احمد عزانتخاب لڑنے
کے نااہل قرار
مصر کے سپریم الیکٹورل کمیشن نے اسٹیل ٹائیکون
احمد عز کے آیندہ ماہ ہونے والے پارلیمانی انتخابات میں حصہ لینے پر پابندی عاید
کردی ہے۔احمد عز کو 2011ء کے اوائل میں سابق مطلق العنان صدر حسنی مبارک کی حکومت
کے خاتمے کے بعد بدعنوانیوں اور انتخابی دھاندلیوں کے الزام میں گرفتار کیا گیا
تھا۔وہ حال ہی میں جیل سے رہا ہوئے ہیں۔
سابق صدر حسنی مبارک کے دور کی اس اہم کاروباری
شخصیت نے اسی ماہ قاہرہ کے شمال میں واقع علاقے منوفیا سے پارلیمانی انتخابات میں
بطور امیدوار حصہ لینے کا اعلان کیا تھا۔وہ مصر کی سب سے بڑی اسٹیل فرم عز اسٹیل
کے سابق مالک ہیں۔
مصر میں آیندہ پارلیمانی انتخابات کے پہلے مرحلے
کا مارچ سے آغاز ہورہا ہے۔ان انتخابات کے پہلے مرحلے میں 22 اور 23 مارچ کو ووٹ
ڈالے جائیں گے اور دوسرے مرحلے کے لیے پولنگ 26 اور 27 اپریل کو ہوگی۔
0 comments:
Post a Comment